മാനന്തവാടി: തിരുനെല്ലിയിൽ കാട്ടുപന്നി ആക്രമണത്തിൽ ടാക്സി ഡ്രൈവർക്ക് പരിക്കേറ്റു. കണ്ണൂർ ഉളിയിൽ കുഞ്ഞിപ്പറമ്പത്ത് വീട്ടിൽ പി.കെ.രഞ്ജിത്തിനാണ് (33) പരിക്കേറ്റത്. ശനിയാഴ്ച രാവിലെ 10 മണിയോടെയായിരുന്നു സംഭവം.
തിരുനെല്ലി ക്ഷേത്രത്തിന് സമീപത്തുകൂടി നടന്നു പോവുകയായിരുന്നു രഞ്ജിത്ത്. ആ സമയം കാട്ടുപന്നി ആക്രമിക്കുകയായിരുന്നു. കാലിന് ഗുരുതരമായി പരിക്കേറ്റ രഞ്ജിത്തിനെ അപ്പപ്പാറ കുടുംബാരോഗ്യ കേന്ദ്രത്തിലും പിന്നീട് വയനാട് മെഡിക്കൽ കോളജിലും പ്രവേശിപ്പിച്ചു. കണ്ണൂരിൽ നിന്നും ക്ഷേത്രത്തിൽ ദർശനത്തിനെത്തിയതാണ് രഞ്ജിത്ത്.
Read more- എസ്.ഐയെ തെരുവുപട്ടിയെപോലെ തല്ലും; എസ്.എഫ്.ഐ നേതാവിന്‍റെ ഭീഷണി
