ജമ്മു കശ്മിരിലെ കുല്‍ഗാമില്‍ ഏറ്റുമുട്ടല്‍; അഞ്ച് ഭീകരരെ സുരക്ഷാസേന വധിച്ചു

ശ്രീനഗര്‍: കശ്മിരിലെ കുല്‍ഗാം ജില്ലയില്‍ ഏറ്റുമുട്ടലിനിടെ അഞ്ച് ലക്ഷ്‌കര്‍ ഭീകരരെ സുരക്ഷാ സേന വധിച്ചു. ഇവരില്‍ നിന്നും ആയുധങ്ങള്‍ പിടിച്ചെടുത്തു. ഡി.എച്ച് പോറ മേഖലയില്‍ വെടിവെപ്പ് തുടരുകയാണ്.

പ്രദേശത്ത് ഭീകരര്‍ ഒളിച്ചിരിക്കുന്നായി വിവരം ലഭിച്ചതിനെ തുടര്‍ന്നാണ് സൈന്യവും ജമ്മു കശ്മിര്‍ പൊലിസും തെരച്ചില്‍ ആരംഭിച്ചത്. പരിശോധനയ്ക്കിടെ ഭീകരര്‍ വെടിയുതിര്‍ക്കുകയായിരുന്നു. ഇന്നലെ വൈകിട്ടോടെ മൂന്നു പേരെ വധിച്ചുവെന്ന് സൈന്യം അറിയിച്ചു.