കോട്ടയം: മറിയക്കുട്ടിക്കും അന്നക്കും ക്ഷേമ പെന്‍ഷന്‍ ലഭിച്ചു. അടിമാലി സര്‍വീസ് സഹകരണ ബാങ്ക് ജീവനക്കാര്‍ വീട്ടിലെത്തി ഒരു മാസത്തെ പെന്‍ഷന്‍ കൈമാറി. പെന്‍ഷന്‍ മുടങ്ങിയതിനെ തുടര്‍ന്ന് ഇരുവരും തെരുവില്‍ ഭിക്ഷയെടുത്ത് പ്രതിഷേധിച്ചിരുന്നു.
ഇരുവരുടെയും പ്രതിഷേധം വലിയ രീതിയില്‍ പൊതുസമൂഹം ഏറ്റെടുത്തിരുന്നു. മുന്‍ പ്രതിപക്ഷ നേതാവ് രമേശ് ചെന്നത്തല, സുരേഷ് ഗോപി തുടങ്ങിയവര്‍ മറിയക്കുട്ടിയെ സന്ദര്‍ശിക്കുകയും സഹായങ്ങള്‍ വാഗ്ദാനം ചെയ്യുകയും ചെയ്തിരുന്നു. ഇതിന് പിന്നാലെയാണ് സംസ്ഥാന സര്‍ക്കാര്‍ ക്ഷേമ പെന്‍ഷന്‍ നല്‍കിയത്. ജുലൈ മാസത്തെ പെന്‍ഷനാണ് നല്‍കിയത്.
