മല്പപുറം: നാടൻ തോക്കുകളും തിരകളുമായി യുവാവ് പിടിയിലായി. പൂക്കോട്ടുംപാടം പൂവക്കുന്നിൽ രാജേഷ് ആണ് പോലീസിന്റെ പിടിയിലായത്. പോലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിൽ ചോല കോളനിയിലെ പമ്പ് ഹൗസിൽ നിന്നാണ് തോക്കുകളും തിരകളും പിടികൂടിയത്. ഒരു ഒറ്റ ക്കുഴൽ തോക്കും ഒരു റിവോൾവറും തിരകൾ നിറക്കാനുപയോഗിക്കുന്ന ഉപകാരണങ്ങളും പിടിച്ചെടുത്തവയിൽ ഉൾപ്പെടുന്നു…
പൂക്കോട്ടുംപാടം സ്റ്റേഷനിലെ എസ് ഐ മാരായ ജയകൃഷ്ണൻ, തോമസ്, സതീഷ് കുമാർ എന്നിവരുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.മാവോയിസ്റ്റ് ഭീഷണി നേരിടുന്ന സ്റ്റേഷനാണ് പൂക്കോട്ടുംപാടം പോലീസ് സ്റ്റേഷൻ. കേരളത്തിൽ ആദ്യമായി ഒരു വനംവാച്ചറെ വെടിവെച്ചതും ഫോറസ്റ്റ് ഔട്ട് പോസ്റ്റ് കത്തിച്ചതും പൂക്കോട്ടുംപാടം പോലീസ് സ്റ്റേഷൻ പരിധിയിലാണ്. ഇക്കാരണം കൊണ്ട് തന്നെ കൂടുതൽ അന്വേഷണങ്ങളിലേക്ക് കടക്കാനാണ് പോലീസിന്റെ തീരുമാനം.
