കോട്ടക്കൽ നഗരസഭാ ഭരണം ലീഗിന് നഷ്ടമായി

മലപ്പുറം : കോട്ടക്കൽ നഗരസഭാ ഭരണം ലീഗിന് നഷ്ടമായി ; എൽ ഡി എഫ് പിന്തുണച്ച വിമത സ്ഥാനാർഥി മുഹ്സിന പൂവൻ മഠത്തിലാണ് പുതിയ ചെയർ പേഴ്സൺ . ലീഗിലെ ഒരു വിഭാഗം സിപിഐഎമ്മിനു അനുകൂലമായി വോട്ടു ചെയ്യുകയായിരുന്നു. പുതിയ ചെയർ പേഴ്സനായി മുഹ്സിന പൂവൻ മഠത്തിൽ സത്യപ്രതിജ്ഞ ചെയ്ത് അധികാരമേറ്റു .
കോട്ടക്കൽ നഗരസഭാ ഭരണം സിപിഐഎം പിടിച്ചെടുത്തു . മുസ്ലിം ലീഗിലെ ഒരു വിഭാഗത്തിന്റെ സഹായത്തോടെയാണ് നഗരസഭാ ഭരണം സിപിഐഎം പിടിച്ചെടുത്തത് . ചെയർ പേഴ്സൺ തെരഞ്ഞെടുപ്പിൽ പതിമൂന്നിനെതിരെ പതിനഞ്ചു വോട്ടുകൾക്കാണ് സിപിഐഎം പാനലിന്റെ വിജയം . രണ്ട് ബി ജെപി അംഗങ്ങൾ വോട്ടെടുപ്പിൽ നിന്ന് വിട്ട് നിന്നു . ബുഷ്‌റ ഷബീർ രാജി വെച്ച ഒരു വാർഡ് അടക്കം രണ്ട് വാർഡുകൾ ഒഴിഞ്ഞു കിടക്കുകയാണ് . മുസ്ലിം ലീഗിലെ മുഹ്സിന പൂവൻ മഠത്തിൽ ആണ് പുതിയ ചെയർ പേഴ്സൺ ആയി തെരഞ്ഞെടുത്തത് . ചെയർ പേഴ്സൺ തെരഞ്ഞെടുപ്പിൽ ലീഗിലെ ഒരു വിഭാഗം സിപിഐഎമ്മിനു അനുകൂലമായി വോട്ടു ചെയ്യുകയായിരുന്നു . മുഹ്സിന പൂവൻ മഠത്തിൽ പന്ത്രെണ്ടാം വാർഡിൽ നിന്നുള്ള കൗണ്സിലറാണ് . പുതിയ ചെയർ പേഴ്സനായി മുഹ്സിന പൂവൻ മഠത്തിൽ സത്യപ്രതിജ്ഞ ചെയ്ത് അധികാരമേറ്റു . വിജയത്തിൽ ആഹ്ലാദ പ്രകടനവുമായി കോട്ടക്കൽ നഗരസഭക്ക് മുന്നിൽ ldf പ്രവർത്തകർ പടക്കം പൊട്ടിക്കുകയും ആഹ്ലാദ പ്രകടനം നടത്തുകയും ചെയ്തു ,.
പാർട്ടിയിലെ ഭിന്നതയെ തുടർന്നാണ് ബുഷ്‌റ ഷബീർ ചെയർ പേഴ്സൺ സ്ഥാനവും ഒപ്പം കൗൺസിലർ സ്ഥാനവും രാജി വെച്ചത് . തുടർന്ന് ഡോ കെ ഹനീഷയെ ലീഗ് നേതൃത്വം ചെയർ പേഴ്സൺ ആയി പ്രഖ്യാപിച്ചിരുന്നു . കെ ഹനീഷ ആക്ടിങ് ചെയർ പേഴ്സൺ ആയി തുടരുന്നതിനിടയിലാണ് ചെയർ പേഴ്സൺ തിരഞ്ഞെടുപ് നടന്നത് . ചെയർ പേഴ്സൺ തിരഞ്ഞെടുപ്പിലാണ് ലീഗിലെ ഒരു വിഭാഗത്തിന്റെ പിന്തുണയോടെ സിപിഐഎം ന്റെ ചെയർ പേഴ്സൺ സ്ഥാനാർഥിയായ മുഹ്സിന പൂവൻ മഠത്തിൽ തെരഞ്ഞെടുക്കപ്പെട്ടത് .