‘കുട്ടിക്കാലത്ത് ഇങ്ങനെയൊന്ന് ഞാനും ആഗ്രഹിച്ചിരുന്നു’; പ്രസംഗത്തിനിടെ കണ്ണുനിറഞ്ഞ് വാക്കുകളിടറി മോദി,

മുംബയ്: മഹാരാഷ്ട്രയിലെ ചടങ്ങിനിടെ കുട്ടിക്കാലത്തെ ഓർമകളിൽ വികാരാധീനനായി പ്രധാനമന്ത്രി നരേന്ദ്ര മോദി. പ്രധാനമന്ത്രി ആവാസ് യോജന അർബൻ പദ്ധതിയിലൂടെ നിർമ്മിച്ച വീടുകൾ കൈമാറുന്ന ചടങ്ങിലാണ് അദ്ദേഹം വികാരാധീനനായി സംസാരിച്ചത്. ഇതുപോലെ ഒരു വീട് വേണമെന്ന് കുട്ടിക്കാലത്ത് ആഗ്രഹിച്ചിട്ടുണ്ടെന്നും ഇപ്പോൾ ആയിരത്തോളം കുടുംബങ്ങളുടെ വീടെന്ന സ്വപ്നം സഫലമായി കാണുമ്പോൾ സന്തോഷമുണ്ടെന്നും അദ്ദേഹം പറഞ്ഞു. സോലാപൂർ റായ്നഗർ ഹൗസിംഗ് സൊസൈറ്റിയിൽ നിർമ്മിച്ച 15,000 വീടുകളും ഗുണഭോക്താക്കാൾക്ക് കൈമാറിക്കൊണ്ട് സംസാരിക്കുകയായിരുന്നു അദ്ദേഹം.