ദുബൈയിൽ ഷോപ്പിങ്​ സെന്‍ററിന്റെ ഒരു ഭാ​ഗം തകർന്നു വീണ്​ രണ്ട്​ പേർക്ക്​ പരിക്ക്​

ദുബൈ: പ്രധാന ഷോപ്പിങ്​ സെന്‍ററിന്‍റെ ഒരു ഭാഗം തകർന്നു വീണ്​ രണ്ട്​ പേർക്ക്​ പരിക്ക്​. പരിക്കേറ്റവരുടെ നില ഗുരുതരമല്ലെന്ന്​ ഞായറാഴ്ച ദുബൈ പൊലീസ്​ വാർത്തകുറിപ്പിൽ അറിയിച്ചു.അൽ മുല്ല പ്ലാസയുടെ ഒരു ഭാഗമാണ്​ ശനിയാഴ്​ച രാത്രി തകർന്നു വീണത്​.
ഭാരമേറിയ വസ്തുക്കൾ ശരിയാംവിധം സൂക്ഷിക്കാത്തതാണ്​ അപകടത്തിന്​ കാരണമെന്നാണ്​ പ്രാഥമിക അന്വേഷണത്തിൽ വ്യക്​തമായത്​. അക്ഷിരക്ഷാ സേന ഉടൻ സ്ഥലത്തെി രക്ഷാപ്രവർത്തനം ആരംഭിക്കുകയും തൊഴിലാളികളുടെയും സന്ദർശകരുടെയും സുരക്ഷ ഉറപ്പാക്കുകയും ചെയ്തിട്ടുണ്ട്​.അപകടത്തിൽ പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്​. ഇവരുടെ കൂടുതൽ വിവരങ്ങൾ പൊലീസ്​ പുറത്തുവിട്ടില്ല. സംഭവത്തിൽ പൊലീസ്​ അന്വേഷണം ആരംഭിച്ചിട്ടുണ്ട്​.