- ഗാസയുടെ വടക്ക് ഭാഗത്തുള്ളവർ തെക്ക് ഭാഗത്തേക്ക് മാറാൻ മുന്നറിയിപ്പ്
- നടപടി വിനാശകരമായ പ്രത്യാഘാതങ്ങൾ ഉണ്ടാക്കുമെന്ന് യുഎൻ മുന്നറിയിപ്പ്
- നീക്കം ഹമാസിനെ പിന്തുണയ്ക്കുന്നവരെ തടയാനെന്ന് ഹമാസ്
24 മണിക്കൂറിനുള്ളിൽ ഗാസയുടെ വടക്ക് ഭാഗത്തുള്ളവർ തെക്ക് ഭാഗത്തേക്ക് മാറാൻ ഇസ്രായേലിന്റെ മുന്നറിയിപ്പ്. ഇസ്രയേലിന്റെ അതിർത്തിഭാഗമാണ് ഗാസയുടെ വടക്ക് ഭാഗം. ഇസ്രായേൽ കരയുദ്ധത്തിലേക്ക് കടക്കുമെന്ന് റിപ്പോർട്ടുകൾ പുറത്തുവന്നതിന് പിന്നാലെയാണ് നടപടി. 10 ലക്ഷത്തിലധികം ആളുകളാണ് ഗാസയിൽ ജീവിക്കുന്നത്. അതേസമയം, ഇത്രയും ആളുകളോട് ഒഴിഞ്ഞുപോകാനാവശ്യപ്പെട്ട നടപടി വിനാശകരമായ പ്രത്യാഘാതങ്ങൾ ഉണ്ടാക്കുമെന്ന് യുഎൻ മുന്നറിയിപ്പ് നൽകി. എന്നാൽ വ്യാജപ്രചരണമാണ് നടക്കുന്നതെന്നും ഈ മേഖലയിലെ ആളുുകളെ കൊല്ലാൻ ഇസ്രയേലിന് കഴിയില്ല എന്നും ഹമാസ് പറഞ്ഞു.. ഹമാസിനെ പിന്തുണയ്ക്കുന്നവരെ തടയാനാണ് ഇാ നീക്കം എന്നും ഹമാസ് പ്രതികരിച്ചു …
അതേസമയം ഹമാസിനെ പൂർണമായി തുടച്ചുനീക്കുമെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു മുന്നറിയിപ്പ് നൽകിയിരുന്നു. ഇസ്രായേൽ നടപടി വലിയ വിപത്തിന് കാരണമാകുമെന്നും ഗാസക്കാരോട് കൂട്ടമായി സ്ഥലം മാറാനുള്ള ഉത്തരവ് പിൻവലിക്കണമെന്നും യുഎൻ ഇസ്രായേൽ സൈന്യത്തോട് ആവശ്യപ്പെട്ടു. ഇത്രയും മനുഷ്യർ ഒരുമിച്ച് സ്ഥലം മാറിപ്പോകേണ്ട അവസ്ഥയുണ്ടായാൽ വിനാശകരമായ പ്രത്യാഘാതമായിരിക്കും ഫലമെന്ന് യുഎൻ വ്യക്തമാക്കി. എന്നാൽ, ഹമാസ് തടങ്കലിലാക്കിയ ഇസ്രായേലി പൗരന്മാരെ വിട്ടയച്ചില്ലെങ്കിൽ ഗാസയിലേക്കുള്ള കുടിവെള്ളമടക്കം റദ്ദാക്കുമെന്ന് ഇസ്രായേൽ വ്യക്തമാക്കി.
