ഇരിട്ടി: വീട്ടിൽ നിർത്തിയിട്ട ബൈക്കിന് മുകളിൽവെച്ച ഹെൽമറ്റിൽ കയറിക്കൂടിയത് കുട്ടി പെരുമ്പാമ്പ്. ഇതറിയാതെ രാവിലെ ജോലിസ്ഥലത്തേക്ക് പോകേണ്ട തിരക്കിൽ ഹെൽമറ്റ് ധരിച്ച ബൈക്ക് യാത്രക്കാരന്റെ # തലയിൽ പാമ്പ് കടിച്ചു. പടിയൂർ നിടിയോടിയിലെ കെ. രതീഷിനാണ് (40) കടിയേറ്റത്.
തലയിൽ കടിയേറ്റപ്പോഴാണ് ഹെൽമറ്റ് അഴിച്ചുനോക്കിയത്. അകത്ത് പാമ്പാണെന്ന് കണ്ടപ്പോൾ വെപ്രാളത്തിനിടയിൽ ഹെൽമറ്റ് എറിഞ്ഞു. കടിച്ച പാമ്പിനെ തിരിച്ചറിയാനും കഴിഞ്ഞില്ല. ഉടൻ ബന്ധുക്കൾ രതീഷിനെ കണ്ണൂരിലെ സ്വകാര്യ ആസ്‌പത്രിയിലെത്തിച്ചു.പരിശോധനയ്ക്കിടയിലാണ് പെരുമ്പാമ്പാണെന്നും വിഷമില്ലാത്തതാണെന്നും മനസ്സിലായത്. വനം വകുപ്പിലെ താത്കാലിക ജീവനക്കാരനാണ് രതീഷ്.#snakebite
